【有害食品成份大搜查】🤔🤔

有唔少家長為左唔想小朋友扭計,又或者出街玩個陣,都會預備一啲零食,但你又知唔知食咗邊啲會對小朋友無咁好呢😢😢

越嚟越多新聞提到「邪惡色素」,當中包括常見嘅檸檬黃(E102)、日落黃(E110)、誘惑紅AC(E129)、麗春紅4R(E124)、淡紅(E122)、喹啉黃(E104)等等。雖然「人工食用色素會否引發過度活躍症」仍未有結論,但有唔少研究證明食用人工色素可能對兒童的行為及專注力有不良影響。以上色素都已被其他國家禁用,但香港仍容許以上色素於市面上食品中使用,家長為小朋友揀零食時都應注意。😮😮

除咗人工食用色素外,其他含人工防腐劑、人工香料、精緻食物、人工甜味劑嘅食物都唔適合比小朋友食太多架~~🤧

另外,精緻食物即喺經過加工處理嘅食物,包括白糖、白米、速食食物,佢哋都會喺我哋食用後快速分解,令體內血糖急速升高,容易導致小朋友不集中與情緒亢奮,都解釋咗點解有時我哋食完白飯同白麵包好快又會再肚餓。👶

即使選擇天然食品,大家都應注意分量,如含麩質(包括小麥、大麥、燕麥)及含酪蛋白(牛奶)。有部份ADHD兒童腸道缺少益生菌,所以唔能夠代謝及消化含麩質同含酪蛋白嘅食物。而呢啲未消化嘅食物會殘留喺腸道,引致免疫系統不良反應,令有害細菌過度繁殖,影響消化系統。有部份壞菌甚至會分泌毒素,導致「腸漏症」(引發兒童神經表現異常或情緒障礙因素之一)。以上常見食物包括:雪糕、朱古力、薯片、糖果、白麵包等等。😇

健康飲食習慣應從小養起,各位家長記得下次買嘢食比小朋友之前,留意一下食物成份表,買啲又好味又有營養嘅食物比小朋友啦~~😚

—————————————————
參考資料:
TOPick – 香港經濟日報:https://bit.ly/2LSEcSN

【東周刊官方網站】 – My-Magazine:https://eastweek.my-magazine.me/main/41220

發佈回覆

你的電郵地址並不會被公開。 必要欄位標記為 *